Hindistanın Kəşmirində törədilən terror aktı nəticəsində ölənlərin sayı 26-ya çatıb.Yerli media hadisənin təfərrüatları barədə məlumat yayıb. Məlumata görə, silahlı terrorçular Baysaran meşəsindən çıxıb və turistləri Pahalqan çəmənliyində mühasirəyə alıblar, bundan sonra onlara qarşı fərq qoymadan atəş açmağa başlayıblar.
Əraziyə yalnız piyada və ya poni ilə getmək mümkün olduğundan, səlahiyyətlilər yaralıları təxliyə etmək üçün helikopterləri çağırmalı olublar.
Terrorçuların zərərsizləşdirilməsi üçün bölgədə antiterror əməliyyatına başlanılıb.
