DTX: İşğalçılar tərəfindən qanunsuz saxlanılan Laşa Xetereli və Uça Coxadze azaddır
Dövlət Təhlükəsizliyi Xidmətinin məlumatına görə, Rusiya işğalçı qüvvələri tərəfindən qanunsuz saxlanılan Laşa Xetereli və Uça Coxadze azaddırlar və Gürcüstanın nəzarətində olan ərazidədirlər.
Neytral.ge xəbər verir ki, İşğalçı qüvvələr Xetereli 2023-cü il iyulun 3-də Qori bələdiyyəsinin Ququtiantkari kəndi yaxınlığında, 2024-cü il sentyabrın 10-da isə Tsilubani kəndi yaxınlığında Uça Coxadzeni qanunsuz olaraq həbs ediblər.
DTX-nin məlumatına görə, qanunsuz həbs edilmiş vətəndaşların azadlığa buraxılması zamanı həm Avropa İttifaqının Gürcüstandakı Monitorinq Missiyasının (EUMM) “qaynar xətt” mexanizmindən, həm də hakimiyyətin sərəncamında olan bütün vasitələrdən fəal istifadə olunub.
“Mərkəzi hökumət beynəlxalq tərəfdaşlarla birlikdə işğal olunmuş ərazilərdə qanunsuz saxlanılan bütün Gürcüstan vətəndaşlarının azad edilməsi üçün fəal işləməyə davam edir”. – DTX-nin bəyanatında yazılıb.
