Jurnalist Əfqan Sadıqov Azərbaycana ekstradisiya olunacaq. Hakim qərarını bu gün elan edib. Sessiyada iki aya yaxındır aclıq aksiyası keçirən saxlanılan jurnalistin özü də iştirak edib. Sadıqov cəzaçəkmə müəssisəsindən əlil arabasında gətirilib.
Prosesdə işin prokuroru Azərbaycanın səlahiyyətli orqanlarından Sadıqovun işgəncələrə, qeyri-insani rəftara məruz qalmayacağına dair təminat aldıqlarını və ona qarşı cinayət təqibinin siyasi xarakter daşımadığını iddia edib.
Vəkil isə bunun əksini deyib. Ketevan Çutlaşvili iddia edib ki, Sadıqovun cəzalandırılması üçün onun ekstradisiyasını Azərbaycan Respublikası tələb edir.
Maraqların müdafiəçisi qərardan Ali Məhkəməyə, həmçinin Strasburq məhkəmələrinə şikayət etməyi planlaşdırır.
Sadıqovun ailəsinə gəlincə, həyat yoldaşı deyir ki, hakim Arsen Kalatozişvilinin qərarı onun üçün sürpriz olmayıb.
„Mən qanuni bir şey gözləmirdim. Bu qərar gözlənilən idi. İvanişvili məhkəməni alıb və Əliyevin tapşırığını qeyd-şərtsiz yerinə yetirir. Diktator Əliyev tərəfindən həbsxanada ilk işgəncə ilə öldürülən Əfqan olmayacaq. Aylardır xahiş edirik ki, təhvil verilməsin, çoxlu sübutlar toplamışıq ki, yoldaşımı Azərbaycanda həbsxanada ölüm gözləyir. Heç kim bunu nəzərə almadı, ona görə də biz hadisələrin inkişafında İvanişvili rejimini günahlandırırıq”, – onun həyat yoldaşı bildirir.
