ABŞ Dövlət Departamenti Gürcüstan hökumətini demokratiya və Avroatlantik inteqrasiya yoluna qayıtmağa çağırır.
Neytral.ge xəbər verir ki, bu barədə Amerika Birləşmiş Ştatlarının Dövlət Departamentinin sözçüsü Metyu Miller “bildirib.
Miller deyir ki, Gürcüstan hökumətinin hərəkətləri gürcü xalqının istəklərinə ziddir.
“Aylardır elan etdiyimiz kimi, Gürcüstan hökumətinin hərəkətləri gürcü xalqının istəklərinə və çoxdan elan edilmiş Avrointeqrasiya məqsədinə ziddir və Avropa İttifaqına üzvlüyün əsasını təşkil edən demokratik dəyərlərlə bir araya sığmır. Biz Gürcüstan hökumətini insan hüquqlarına və əsas azadlıqlarına hörmət etməyə, tənqidçiləri iblisləşdirməyə və fərqli fikirlər üçün məkanı məhdudlaşdırmağa son qoymağa, demokratiya və Avro-Atlantik inteqrasiya yoluna qayıtmağa çağırırıq”, – Miller deyir.
Bundan əlavə, Metyu Miller Rusiya xarici kəşfiyyatının Amerikanın Gürcüstanda “rəngli inqilab” hazırlaması barədə bəyanatı ilə bağlı sualı cavablandırır və ittihamı “qəti şəkildə yalan” adlandırır.
“Bizim daha dinc, firavan və demokratik Gürcüstan qurmaq üçün Gürcüstan xalqı ilə birgə işləməyin qürurlu tarixi var. İddialar tamamilə yalandır. Kreml 2008-ci il işğalını təşkil etdi və bu gün Gürcüstanın suveren ərazisinin 20 faizi işğal olunub. [Kreml] Ukraynaya qarşı amansız təcavüz müharibəsini davam etdirir. Biz Gürcüstanı Rusiyanın təcavüzünə qarşı dəstəkləyirik”, – Metyu Miller deyir.
