“Biz Gürcüstandakı mövcud vəziyyəti diqqətlə izləyirik” – Dövlət Departamentinin sözçüsü Metyu Miller “Gürcü arzusu” tərəfindən prezidentliyə namizədliyi irəli sürülmüş Mixail Kavelaşvilinin andiçmə mərasimindən sonra “Azadlıq” radiosunun sualını belə cavablandırıb.
Nəşrin yazdığına görə, Metyu Miller artıq 32-ci günündə olan hazırkı nümayişlərə də müraciət edərək deyir:
“İfadə azadlığına və dinc toplaşmaq hüququna hörmət fəaliyyət göstərən cəmiyyət üçün vacibdir”.
Bu gün, dekabrın 29-da Gürcüstan parlamentinin binasında “Gürcü arzusu” tərəfindən prezidentliyə namizədliyi irəli sürülmüş Mixail Kavelaşvilinin andiçmə mərasimi keçirilib.
İnauqurasiyaya diplomatik korpusun nümayəndələri dəvət edilməyib.
