Bayram olmasına baxmayaraq, Rustaveli prospektində etiraz aksiyası keçirilir. Avropa gələcəyini qoruyanlar indi Gürcüstanın İctimai Televiziyasının köhnə binasından şəhərin mərkəzi prospektinə doğru yürüş edirlər.
Bu gün davamlı etirazların başlamasından 144 gün keçir. Etirazçılar iki əsas tələblə küçələrə çıxırlar: yeni seçkilərin təyin edilməsi və İvanişvilinin həbsxana qapılarını siyasi məhbusların üzünə açması.
Etirazçılar deyirlər ki, çoxsaylı repressiv qanunlara baxmayaraq, qeyri-legitim hökumət onların etirazlarını dayandıra bilməz.
Aksiya iştirakçıları “Gürcü Arzusu”nun artıq açıq şəkildə bəyan etdiyi kursa uyğunlaşmağın yolverilməz olduğunu və mütləq azadlıq uğrunda mübarizəni sona qədər aparacaqlarını bildirirlər.
