“Güclü Gürcüstan” koalisiyasının liderlərindən biri Ana Natsvlişvili “Gürcü Arzusu”nun icraçı katibi Mamuka Mdinaradzenin açıqlamalarına cavab verib. Natsvlişvili deyir ki, Mdinaradzenin bəyanatı birbaşa Moskvada yazılıb.
“Bu gün biz məğlub olan hökumətin panikaya düşmüş şərhçisi Mamuka Mdinaradzenin brifinqini gördük. Bu, hakimiyyətin seçkilərdə uduzduğunu çox yaxşı başa düşdüyünün son sübutudur. Ona görə də “Gürcü arzusu” panikadadır. Bu brifinq Mamuka Mdinaradzenin və bütün „Gürcü arzusu”nun necə qəzəbləndiyini açıq şəkildə göstərir, çünki „Güclü Gürcüstan” koalisiyası hakim komandanın 12 ildir Gürcüstana qarşı istifadə etdiyi sxemi iflasa uğratdı. İvanişvili və komandası 12 il ərzində Gürcüstanın siyasi meydanını ikiqütblü, kəskin qütblü hala gətirməyə çalışdı və gürcü xalqının yalnız 2 seçimi var idi – Ya Gürcü Arzusu, ya da Milli Hərəkat. Onların seçkilər üçün yaratdığı bu sxemi dağıtdıq.
Mamuka Mdinaradzenin bəyanatı birbaşa Moskvada yazılıb və o, Gürcüstanda müxalifətin Qərbin nəzarətində olması ilə bağlı KQB paranoyak mifini təkrarlayır. Onların özləri də yaxşı bilirlər ki, bu, KQB-nin uydurduğu yalandır”, – deyə Natsvlişvili bildirib.
