İsrailin baş naziri Benyamin Netanyahu çərşənbə axşamı Tel-Əvivdə korrupsiya işi üzrə uzun sürən məhkəmə prosesində ilk dəfə olaraq ifadə verir.
75 yaşlı baş nazir rüşvətxorluq, dələduzluq və etibardan sui-istifadədə ittiham olunur.
İsrail bir ildən artıqdır ki, Qəzzada fələstinli militantlara qarşı müharibə aparır və bu müddət ərzində Netanyahu işlə bağlı məhkəmənin başlaması üçün möhlət alıb. Lakin ötən cümə axşamı hakimlər onun ifadə verməyə başlaması barədə qərar çıxarıblar.
Məhkəmə bildirib ki, Netanyahunun həftədə üç dəfə ifadə verməsi gözlənilir.
Netanyahu 2019-cu ildə milyonçu dostlarının hədiyyələri ilə bağlı üç işdə və hadisələrin müsbət işıqlandırılması müqabilində media maqnatlarından tənzimləmə sahəsində imtiyazlar istəməkdə ittiham edilib. Siyasətçi ittihamları rədd edir və özünü təqsirli bilmir.
