Tbilisidə qətl – yeni təfərrüatlar məlum oldu. Məlum olub ki, 19 yaşlı Tazo Mtivlişvilinin qətlində şübhəli bilinən şəxs ölkədən qaçmış və hazırda xaricdə polis tərəfindən axtarılan 34 yaşlı Qiorqi Papaşvilidir.
Qiorqi Papaşvili ailə üzvləri itkin düşən oğlanı 3 gün axtararkən ölkəni tərk edə bilib.
Tazo Mtivlişvilinin müayinəsi dünən, fevralın 22-də aparılıb və məlumata görə, zərərçəkən küt əşya ilə xəsarət alıb. Gənc oğlan döyülərək dünyasını dəyişib.
Qətlə yetirilən oğlanın və şübhəlinin iş yoldaşı olduğu və onların arasında münasibətlərin son bir həftədə gərginləşdiyi məlum olub, Tazo Mtivlişvili onun ad günündə, fevralın 17-də yoxa çıxıb və şübhəlinin evində ölü tapılıb.
Məlum olur ki, Qiorqi Papaşvilinin evində daha üç nəfər olub, onlar Daxili İşlər Nazirliyi tərəfindən cinayət barədə məlumat verməmək ittihamı ilə həbs edilib və hazırda ittiham aktını gözləyirlər.
Öldürülən oğlanın cəsədini kimin tapmasına gəlincə, iki versiya var. Versiyalardan birinə görə, şübhəlinin anası 112-yə özü zəng edib, digər versiyaya görə, polisə günlərdir şübhəlinin evindən xoşagəlməz qoxu gəlməsinə görə qonşular zəng edib.
