Gürcüstan prezidenti hesab edir ki, mitinqin həbs edilmiş iştirakçıları üçün istifadə olunacaq xüsusi fond yaratmaq lazımdır.
Salome Zurabişvili müxalifət partiyalarının liderləri və ictimaiyyət nümayəndələri ilə görüşdən sonra bəyanatla çıxış edib.
“Vətəndaş etirazı olduğu kimi qalmalıdır. Bunun siyasi partiyaların müdaxiləsinə ehtiyacı yoxdu, dəstək və müdafiəyə ehtiyacı var. Saxlanılan şəxslərin hüquqi müdafiəyə ehtiyacı var.
Onların müdafiəsi həm də ondan ibarətdir ki, tezliklə hansısa bir fond yaratmaq lazım gələ bilər. Bu gün hələ də cərimələri ödəmək üçün müxtəlif qeyri-hökumət təşkilatlarından vəsaitlər var, lakin elə bir vaxt gələ bilər ki, fond yaratmaq və bu insanlara kömək etmək üçün böyük ictimai səy lazımdır. “Yardım başqa cür də göstəriləcək, biz onları təxribatlardan qoruyacağıq”, – deyə prezident bildirib.
