“Yeni seçkilər təyin edilməsə, gənclərin 90%-i ölkəni tərk edəcək. İvanişvilinin dəstəsi tələbələrə başqa çarə buraxmır”, – Tbilisi Dövlət Universitetinin birinci korpusunun həyətində keçirilən mitinqdə doktor Vaja Qaprindaşvili deyib.
Vaja Qaprindaşvilinin fikrincə, “ölkə gənclərindir” və hər bir insanın belə həlledici anda onların yanında olması vacibdir.
“Bura gənclər ölkəsidir. Ona görə də biz gənclərə dəstək olmalıyıq. Yeni seçkilər təyin olunmasa, gənclərin 90%-i ölkəni tərk edəcək. İvanişvilinin bu dəstəsi başqa çarə buraxmır. Gürcüstan bu gənclərlə ayaqda qalmalıdır. Hər kəs onlara dəstək olmalıdır ki, özlərini reallaşdıra bilsinlər”, – Vaja Qaprindaşvili deyir.
