Rusiyanın iki tankeri “Volqoneft-212” və “Volqoneft-239” Qara dənizdə, Kerç sahilindən 8 kilometr aralıda batıb.
Son məlumata görə, “Volqoneft-212” ortadan qırılıb, fəlakət nəticəsində 4300 ton mazut dənizə düşüb.
Sonradan məlum olub ki, Qara dəniz akvatoriyasında daha bir Rusiya tankeri olan Volqoneft-239 dalğa ilə toqquşması nəticəsində batıb. Tanker 4000 ton mazut daşıyırdı.
Fəlakət zamanı iki gəmidə 27 ekipaj üzvü olub və onların xilas edilməsi üçün xilasetmə əməliyyatı aparılır. İndiyədək 8 dənizçi helikopterin köməyi ilə təxliyə edilib.
