Qiorqi Marqvelaşvili “Güclü Gürcüstan”a qoşulurmu? – Koalisiyada nə deyirlər?
Qiorqi Marqvelaşvili “Güclü Gürcüstan” koalisiyasına qoşulur? – Koalisiyada suala konkret cavab verilmir, baxmayaraq ki, dördüncü prezidentin istənilən birlik üçün vacib və maraqlı olduğunu deyirlər.
Pikria Çixradzenin sözlərinə görə, Qiorqi Marqvelaşvili hansı fəaliyyət növü ilə məşğul olacaq və kiminlə əməkdaşlıq edəcək, yəqin ki, dördüncü prezidentin özü bu barədə sonra danışacaq. Eyni zamanda siyasətçi “Güclü Gürcüstan”ın Marqvelaşvili ilə münasibətlərinin və fikir mübadiləsinin olduğunu təsdiqləyir.
„Bizim koalisiyamız, dediyimiz kimi, başqa və müxtəlif qurumlardan ibarət olmasına baxmayaraq, hələ də müəyyən qazanclar əldə etməkdə, möhkəmlənməkdə davam edir. Qiorqi Marqvelaaşvili kimi bir şəxs və siyasətçi, məncə, bütün koalisiyalar və bütün birlik üçün çox əlamətdar və maraqlı bir qazanma olacaq. Hansı formada, necə iştirak edəcək və onun tərəfdən hansı fəaliyyət növü olacaq, yəqin ki, bundan sonra və ondan danışa bilərik. Onunla münasibətimizin olması, siyasi fikir mübadiləsi aparmağımız, təsdiq edirik ki, o, çoxumuz üçün yaxın dost, siyasi yoldaşdır və təbii ki, onun mövqelərini eşitmək həmişə maraqlıdır, – Pikriya Çixradze deyir.
Neytral.ge xəbər verir ki, Koalisiyanın liderlərindən biri İrakli Kupradze sosial şəbəkədə Qiorqi Marqvelaşvilinin digər liderlərlə birlikdə fotonu dərc edib. Marqvelaşvilinin özü isə “Güclü Gürcüstan”a qoşulub-qoşulmayacağı ilə bağlı açıqlama vermir.
