Rusiya Federasiyasının Volqoqrad vilayətinin Kalaç-na-Doni şəhərində gecə saatlarında partlayış səsləri eşidilib, ehtimal ki, bunlar pilotsuz təyyarələrin hücumu və hava hücumundan müdafiə əməliyyatları nəticəsində baş verib və bundan sonra obyekt yanıb, Ukrayna mediası yazır.
Rusiyanın “Telegram” kanallarının məlumatına görə, azı iki pilotsuz uçuş aparatı vurulub.
“Telegram” kanalı Baza xəbər verir ki, pilotsuz təyyarələrdən biri aerodromdan bir neçə kilometr aralıda məhv edilib, ikinci pilotsuz uçan aparatın dağıntıları onun yanına düşüb, nəticədə o, yanıb.
Söhbət Kalaç-na-Dondan təxminən 20 km aralıda, Oktabrsk kəndində yerləşən “Marinovka” hərbi aerodromundan gedir. Sosial şəbəkə istifadəçiləri hücumun hədəfinin bu aerodrom ola biləcəyini ehtimal edirlər.
