Nika Qvaramia – Rustavi universitet şəhəri olmaq, Tbilisi ilə metro xətti və dəmir yolu əlaqəsi ilə sıx bağlı olmaq potensialına malikdir – Rustavi bizim üçün böyük potensiala malik Gürcüstanın simvoludur.
Rustavi ənənəvi olaraq tənqidi və müxalif şəhərdir, Rustavidə inanılmaz dərəcədə güclü gənclər yaşayır, “Dəyişiklik üçün Koalisiya”nın lideri Nika Qvaramiya Rustavi ofisinin açılışında bildirib.
Tbilisidə çoxlu rustavili gənclər işləyirlər, təəssüf ki, burada onlar üçün iş imkanları yoxdur, biz qurultayımızı Rustavidə keçirdik ki, bir daha təstiq edək ki, Rustavi böyük potensiala malik və Gürcüstanın simvoludur.
“Mənim bu şəhərə xüsusi münasibətim var. Mənim xoş niyyətim var, buradakı insanlara, gənclərə kömək etmək istəyirəm. Rustavinin universitet şəhəri olmaq, Tbilisi ilə metro xətti və dəmir yolu əlaqəsi ilə sıx bağlı olmaq potensialı var. İkinci ən böyük şəhərin gəncləri saxlamaqda, zəhmətkeş kişi və qadınları mühacirət etmədən yerli işlərlə təmin etmək problemi ola bilməz.
Rustavi zavod şəhəridir, sənaye şəhəridir, lakin bu o demək deyil ki, insanların həyatı təhlükədədir. Rustavi mədəniyyət şəhəridir və bütün bunlar bərpa olunmalıdır, ən əsası Rustavi gənclər üçün maraqlı şəhərə çevrilməlidir. Təkcə iqtisadi şəhər kimi deyil, tam və maraqlı bir şəhər kimi,” – Qvaramiya bildirib.
