Sanksiya tətbiq etməklə Gürcüstandakı hakim rejimin hərəkətlərinə işarə etməliyik, İvanişvilidən başlamalıyıq – Avropa Parlamentinin deputatı
Biz nəinki bu rejimi qınamalıyıq, həm də Gürcüstanda demokratiyanın boğulmasına cavabdeh olan şəxslərə qarşı sanksiyalar tətbiq etməliyik və biz İvanişvilidən başlamalıyıq – Avropa Parlamentində Gürcüstan məsələsi ilə bağlı müzakirələr zamanı Avropa Parlamentinin deputatı Riho Teras bildirib.
Avropa Parlamentinin deputatı çıxışında Gürcüstanda demokratiya ilə bağlı mövcud vəziyyətdən danışıb və vəziyyətin getdikcə pisləşdiyini qeyd edib.
„Gürcüstanda demokratiya ilə bağlı vəziyyət on ildən artıqdır ki, pisləşir. Baş nazir Kobaxidzenin “Gürcü arzusu” növbəti seçkilərdə qalib gələrsə, müxalifətin fəaliyyətinin qadağan ediləcəyi ilə bağlı son bəyanatı sadəcə həyəcanverici əlamət deyil – bu, öz şansını gözləyən diktaturanın sübutudur. Biz təkcə hakim rejimin hərəkətlərini pisləməklə kifayətlənməməliyik, Gürcüstanda demokratiyanın süqutuna səbəb olan insanlara və təşkilatlara qarşı sanksiyalar tətbiq etməklə çox açıq siqnal verməliyik. Biz isə nümunə yaratmaq üçün liderdən – oliqarx İvanişvilidən başlamalıyıq”, – deyə Teras bildirib.
