Martın 16-da Şimali Makedoniyada gecə klubunda konsert zamanı baş verən yanğın nəticəsində 50-dən çox insan həlak olub.
Şimali Makedoniya Daxili İşlər Nazirliyinin məlumatına görə, Koçan şəhərindəki “Pulse” gecə klubunda baş verən genişmiqyaslı yanğın nəticəsində azı 51 nəfər ölüb, 100-dən çox insan yaralanıb.
Faciə bazar günü səhər yerli vaxtla saat 3:00 radələrində ADN hip-hop duetinin çıxışı zamanı baş verib.
Konsertdə yanğın baş verən zaman klubda 1500-dən çox insan olub.
Yerli KİV-in məlumatına görə, yanğına səbəb, ehtimal ki, pirotexniki vasitələrdən istifadə olub. Səhnədən başlayan yanğın sürətlə yayılıb və bu səbəbdən onu tez bir zamanda söndürmək mümkün olmayıb.
