“Sirtsxviliya” hərəkatı Rusiya qanunları ilə bağlı qeydiyyat qərarını ləğv edir.
Biz ictimaiyyətin reaksiyasını başa düşür və qəbul edirik. Vətəndaşların, həmfikirlərin tənqidi bizim üçün önəmlidir. Qərarımızın verə biləcəyi nəticələri lazımınca qiymətləndirmədiyimiz üçün çox təəssüflənirik. Hesab edirik ki, elanımızın vaxtı, forması və məzmunu səhv olub və riskləri daha yaxşı hesablayıb qarşısını almaq olardı.
Qərarımız oktyabrda keçiriləcək seçkilərdə hakimiyyət dəyişikliyinə şərait yaratmaq üçün vətəndaşların seçkilərdə iştirakını artırmaq üçün planlaşdırılmış kampaniyaların aparılması məqsədinə əsaslanmışdı, lakin rəylərə əsasən hesab edirik ki, biz hətta nihilizm və məyusluğun səpilməsinə kömək etmişik. Bu həm qısa, həm də uzunmüddətli perspektivdə ümumi məqsədə açıq şəkildə zərər verən qərar idi.
Qərar verməmizin səbəblərindən biri də o oldu ki, biz seçkilər öncəsi hökumətə cərimələrin ödənilməsini kökündən yanlış hesab etdik və hələ də eyni fikirdəyik. Ona görə də cərimələr olduğu halda “Sirtsxviliya” cərimələri ödəməyə hazırlaşmır.
Qiorqi Çivanadze direktor vəzifəsini tərk edir və biz yeni rəhbərlik altında işimizi davam etdiririk.
Həmkarlarıma vicdanlı tənqid və məsləhətlərinə görə təşəkkür edirəm”, “Sirtsxviliya Hərəkatı” Facebook-da yazır.
