Sosial Ədalət Mərkəzinin (SJC) məlumatına görə, Strasburq Məhkəməsi Azərbaycanın Gürcüstandakı Azel.Tv media orqanının təsisçisi və baş redaktoru Əfqan Sadıqovun Azərbaycana ekstradisiyasına qadağa qoyub.
Məlumat üçün bildirək ki, 2024-cü il noyabrın 28-də Tbilisi Şəhər Məhkəməsi jurnalistin Azərbaycana ekstradisiya tələbini təmin edib – qərarı hakim Arsen Kalatozişvili verib.
Sosial Ədalət Mərkəzinin məlumatına görə, 2025-ci il yanvarın 15-də Tbilisi Apellyasiya Məhkəməsinin hakimi Davit Axalbedaşvili Əfqan Sadıqovun Gürcüstanda qaçqın və ya humanitar statusun verilməsi ilə bağlı şikayətini təmin etməyib.
“2025-ci il yanvarın 15-də Tbilisi Apellyasiya Məhkəməsinin hakimi Davit Axalbedaşvili Əfqan Sadıqovun Gürcüstanda qaçqın və ya humanitar statusun verilməsindən imtinaya dair şikayətini təmin etməyib.
Bu məhkəmə mühacirətdə olan jurnalist və redaktorun hüquqlarını qoruya, ekstradisiyasını dayandıra biləcək sonuncu instansiya idi. Bununla da Gürcüstanın milli məhkəmələri Əfqan Sadıqovun işinə baxılmasını yekunlaşdırıb. Təəssüf ki, onlar təqib olunan jurnalistin hüquqlarını qorumağa imkan verəcək lazımi müstəqillik və bütövlüyə malik deyildilər”. – Sosial Ədalət Mərkəzi yazır
Sosial Ədalət Mərkəzinin bəyanatında qeyd edildiyi kimi, qurum 2025-ci il yanvarın 10-da Əfqan Sadıqovun Azərbaycana ekstradisiyasının dayandırılması və müvəqqəti tədbirin tətbiqi üçün Strasburq Məhkəməsinə müraciət edib.
14 yanvar 2025-ci ildə Strasburq Məhkəməsi Sosial Ədalət Mərkəzinin tələbini təmin etdi.
Təşkilat qeyd edir ki, Tbilisi Apellyasiya Məhkəməsinin 2025-ci il yanvarın 15-də çıxardığı qərardan artıq Strasburq Məhkəməsinə müraciət edib.
