Tbilisi meriyası avropapərəst aksiyalara paralel olaraq başlayan “yenidənqurma” çərçivəsində işçilərini ixtisar etməyə davam edir. Tbilisi meri Kaxa Kaladzenin imzaladığı və işçilərin bir hissəsinin tutduqları vəzifələrdən azad edilməsi barədə qərar bu gün, martın 14-də verilib.
“Digər 400-ə yaxın dövlət qulluqçusu kimi, nə mən, nə də mənim əməkdaşlarım Gürcüstan Konstitusiyasının 78-ci maddəsinə əməl etdiyim və petisiyanı imzaladığım üçün bağışlanmadılar!” – Tbilisi meriyasının beynəlxalq əlaqələr şöbəsinin rəhbəri Liana (Lika) Davitadze sosial şəbəkədə yazıb. O, 10 il ərzində bu idarənin müdiri vəzifəsində çalışıb.
Onun sözlərinə görə, yalnız ictimaiyyətə yayılan sənədi imzalayan şəxslər onun şöbəsindən azad ediliblər – onlar 2024-cü il noyabrın 28-də “Gürcü arzusu”nda qəbul edilmiş qərardan ayrılıblar, hansında ki, 2024-cü il noyabrın 28-də qəbul edilən qərara əsasən, növbəti dörd il ərzində Gürcüstan artıq ölkənin Avropa İttifaqına daxil olması üçün zəruri olan danışıqlar məsələsi ilə üzləşməyəcək.
