Tbilisidə Vatslav Havel parkının divarında yerləşən 1989-cu il Çexiya məxməri inqilabının 35-ci ildönümünə həsr olunmuş sərgi boya ilə zədələnib. Məlumatı ilk olaraq sosial şəbəkədə Çexiyanın Gürcüstandakı səfiri Petr Kubernat yayıb.
“Təəssüf ki, 1989-cu il Çexiya Məxməri İnqilabının 35-ci ildönümünə həsr olunmuş sərgi 1 həftədən sonra belə başa çatdı. Sərgi Vakedəki Vatslav Havel parkının divarında, meriya ilə üzbəüz yerləşirdi. İnana bilmirəm ki, kiminsə bu sərgi ilə bağlı problemi var idi!”. – Kubernat X-də yazır.
