Tbilisidəki qətlin yeni halları məlum olur. Hüquq-mühafizə orqanındakı mənbə deyir ki, istintaq orqanı Vakedə müşahidə kameralarının görüntülərində görünən şəxsin kimliyini müəyyənləşdirib.
Verilən məlumata görə, o, 50 yaşlı Qela Udzilauridir. Mənbənin sözlərinə görə, dünən Tbilisi və Katzetidə, Udzilaurinin evində axtarış aparılıb.
Hələlik Udzilauri-nin həbs edilib-edilməməsi məlum deyil. Əldə olan məlumata görə, Vakedə baş verən qətllə bağlı bir nəfərin həbs edildiyi bildirilir.
Daxili İşlər Nazirliyi hələ ki, işdə həbs olunanın Udzilauri olub-olmaması barədə məlumat verməyib.
Xatırladırıq ki, Çavçavadze prospektində səs-küylü qətl hadisəsi iki gün əvvəl baş verib. Kriminal aləmdə „Qanuni oğru” kimi adlanan şəxsin qardaşı Levan Canqveladze, məlumata görə, dostu və biznes ortağı Quram Mokianın dəfn mərasimi üçün qətldən 3 saat əvvəl Moskvadan Tbilisiyə gəlib.
Kriminal avtoritetin qardaşı saat 22:00-dan sonra Çavçavadze prospektində peyda olur. Birtərəfli hərəkətə görə sürücü Levan Canqveladzenin avtomobilini Çavçavadze prospekti nömrə 9-da saxlayır və Rusiyada işləyən iş adamı 7 nömrəyə qədər bir neçə addım getməli olur, burada qatil onu pusquya salır və 9 güllə atır.
