İsraildə Tel-Əvivin mərkəzi məhəlləsində bıçaqla silahlanmış şəxs 4 nəfəri yaralayıb. Yaralılar xəstəxanaya çatdırılıb, onların həyatları üçün təhlükə yoxdur.
Yerli mətbuatın məlumatına görə, hadisənin şahidi olan İsrail xüsusi xidmət orqanı zabiti kişini bıçağı yerə atmağa çağırıb və o, imtina etdikdən sonra onu güllələyib və ölümcül yaralayıb.
Hücum edən şəxs Mərakeş vətəndaşıdır və ABŞ yaşıl kart sahibidir. Əldə olan məlumata görə, o, bir neçə gün əvvəl İsrailə turist vizası ilə gəlib.
