ABŞ-ın yeni seçilmiş prezidenti Donald Tramp hazırkı prezident Co Baydenin Ağ Evə dəvətini qəbul edib. Bu barədə Trampın seçki qərargahının nümayəndəsi Stiven Çenq məlumat verib.
“Prezident Tramp tezliklə keçiriləcək görüşü səbirsizliklə gözləyir və [Tramp] zəngə görə çox minnətdar idi”. – Çenq bildirib.
Bayden Donald Trampı ABŞ prezident seçkilərindəki qələbəsi münasibətilə telefonla təbrik edib və onu Ağ Evə dəvət edib. Ağ Evdən verilən məlumata görə, Bayden hökumətin rəvan keçidinin təmin edilməsinə sadiq olduğunu və ölkənin birləşməsi üçün çalışmağın vacibliyini vurğulayıb. Vitse-prezident Kamala Harris də Trampı qələbə münasibətilə təbrik edib.
