Vəkil Tornike Migineişvili Zahesi təcridxanasında “TV Pirveli”-nin operatoruna baş çəkib. Hüquq müdafiəçisinin sosial şəbəkədə yazdığına görə, maskalı şəxslər Laşa Cioşviliyə hüquqları barədə məlumat verməyiblər, o, bölməyə gətirilənə qədər onun niyə saxlanmasından xəbərsiz olub, ona ünvanlanan hədələr də olub.
Vəkilin sözlərinə görə, operator həbs zamanı xəsarət alıb, ona görə onun sol əlində göyərmə var.
“Biz Zahesi təcridxanasında Laşa Cioşvilini ziyarət etdik. İnsanlar, səs-küy, media, sürətli reaksiya bizi xilas etdi ki, o, işgəncə və qeyri-insani rəftarın qurbanı olmadı! Hüquqlar təqdim edilmədi. Şöbəyə gətirilməzdən əvvəl o, nə üçün və kim tərəfindən həbs olunduğunu bilmirdi. Vəkilə və yaxud ailəyə zəng etməyiblər. Telefonu açmağı xahiş etdilər. Xalq müdafiəçisinin nümayəndəsi protokolda qeyd edib ki, hüquq-mühafizə orqanları Laşanı hədələyiblər. Həbs zamanı qeyri-mütənasib güc tətbiq edildiyi üçün onun sol əlində qançır var. Elə ilk dəqiqələrdən onu Muxiani bölməsinə keçirdilər və çoxlu zənglərimizə baxmayaraq, yalandan dedilər ki, saxlanılan şəxs orada yoxdur. Eyni zamanda Laşa bizim zənglərimizi eşidirdi”, -Tornike Migineişvili yazır.
Ötən gecə polis “TV Pirveli”-nin operatoru Laşa Cioşvilini oğurlayıb – insident Tbilisidə, Elbakidze küçəsinin yaxınlığında baş verib.
Görünür, o, mitinqdən qayıdarkən naməlum şəxslər onu Radisson otelinin yaxınlığında zorla maşına mindiriblər.
Faktı əks etdirən video hadisə şahidi tərəfindən çəkilərək sosial şəbəkələrdə yayılıb.
