Ukraynanın xüsusi kəşfiyyat xidmətləri Rusiyanın Suriyadakı pilotsuz təyyarələrinin bazasına hücum edib
Neytral.ge xəbər verir ki, sentyabrın 15-də Ukrayna Mərkəzi Kəşfiyyat İdarəsinin xüsusi təyinatlıları Suriyada hərbi əməliyyat keçirib.
Xüsusi əməliyyat çərçivəsində ukraynalılar Rusiyanın Suriyadakı pilotsuz təyyarə bazasına hücum ediblər.
Kəşfiyyat xidmətinin məlumatına görə, xüsusi əməliyyat Hələbin cənub-şərqində həyata keçirilib.
Sözügedən bazada Rusiya hərbçiləri pilotsuz uçuş aparatları istehsal edir və sınaqdan keçirirdi.
Bundan əlavə, ruslar bazadan “özünü partlayan kamuflyaj qurğuları” istehsal etmək üçün istifadə ediblər.
Kiiv Post nəşri Ukrayna kəşfiyyatının təqdim etdiyi xüsusi əməliyyatı təsvir edən materialı da dərc edib.
