Ukrayna əsir götürülən 16 əsgərin ruslar tərəfindən öldürülməsi ilə bağlı araşdırmaya başlayıb.
Ukrayna Baş Prokurorluğu müvəqqəti işğal olunmuş Donetsk vilayətinin Pokrovski rayonu yaxınlığında 16 ukraynalı əsir əsgərin rus işğalçıları tərəfindən atəşə tutulması ilə bağlı araşdırmalara başlayıb. Ukrayna Prokurorluğu bu barədə rəsmi Telegram kanalında məlumat yayıb.
“2024-cü il oktyabrın 1-də Telegram kanalları Rusiya rəsmilərinin 16 Ukrayna əsgərini öldürdüyü barədə məlumat yayıb. Məlumatlara görə, Rusiya işğalçı ordusu Pokrovski rayonunun Nikolaevka və Suxio Yar kəndləri yaxınlığında növbəti hərbi cinayətlər törədib.
KİV-də yayılan videoda əsir düşmüş Ukrayna əsgərlərinin meşədən necə çıxması və sıraya düzülən zaman oradakıların onları öldürmək üçün atəş açması göstərilir. Hələ də həyat əlamətləri olan yaralı yaxın məsafədən yenidən güllələnir və öldürülür.
Bu cür hərəkətlər Cenevrə Konvensiyalarının həyasız və kobud şəkildə pozulmasıdır və ağır beynəlxalq cinayət kimi qiymətləndirilir”, – Prokurorluğun bəyanatında deyilir.
