Ukraynanın sülh planı hazırdır. Fransa prezidenti İngiltərədə keçirilən təhlükəsizlik sammitindən sonra Avropa liderlərinin sammit çərçivəsində bağlı qapılar arxasında qəbul etdikləri mühüm qərarın adını çəkib.
Emmanuel Makron Böyük Britaniya ilə birlikdə Ukrayna və Rusiyaya bir aylıq sülh barışığı əldə etməyi təklif edir. Söhbət həm hava, həm də quru hücumların dayandırılmasından gedir. Fransa prezidentinin sözlərinə görə, onlar bu müddət ərzində Rusiya ilə sülh sazişinin əldə olunması üzərində işləməlidirlər.
Makronun sözlərinə görə, sülh razılaşmasına nail olduqdan sonra Avropa ölkənin təhlükəsizliyini qorumaq üçün Ukraynaya öz qoşunlarını yerləşdirməyi planlaşdırır.
