“Güclü Gürcüstan” koalisiyasının lideri Mamuka Xazaradze Salome Zurabişvilinin Orbeliani sarayını tərk edərək xalqa qoşulmaq qərarını alqışlayıb. Müxalifət lideri sosial şəbəkədə yazır ki, bu gün üstünlüyün gürcü xalqının tərəfində olduğunu bir daha ortaya qoyub.
“Prezidenti legitimləşdirmə gücü xalqdır! Qanuni prezident xalqın yanında olmalıdır!
Salome Zurabişvili hansı qərarı versəydi, biz onu dəstəkləyəcəkdik.
Prezidentin bugünkü qərarını ürəkdən alqışlayıram, çox düzgün addım idi!
Rus oliqarxının qapısında gedən biabırçı parodiya fonunda azad gürcü xalqının üstünlüyü bu gün daha da aydın oldu!
Mübarizə davam edir! Birlikdə qalib gələcəyik, birlikdə bu qeyri-legitim hökumətə son qoyacağıq! Biz birlikdə ölkəmizdə böhrana son qoyacağıq və Gürcüstanı Avropaya aparacağıq!” – Mamuka Xazaradze yazıb.
